Umuco nyarwanda

Bana mwakuriye mu mahanga : Nimuze mwese twigire hamwe gusoma ururimi rwacu rw'ikinyarwanda.

Uyu munsi...

Igisakuzo

Nagutera ikigira izina ntikigire ibara.

Umuyaga.

Baca umugani mu kinyarwanda ngo

Uwiba ahetse aba abwiriza uwo mu mugongo.

Bagiramenyo !

Nanjye sinatashye ubwawe!

Umusaza yabwiye umwuzukuru we ati:"Mwana wanjye mbabajwe nuko ngiye kuzapfa ntatashye ubukwe bwawe!" Uwo mwana aramusubiza ati:"Ntibikubabaze kuko nanjye sinatashye ubwawe!"

Ubumenyi ku mazina y'inka

Kugirango dushobore kumva neza amazina y'inka, hari ibintu bimwe na bimwe tugomba guhugukirwamo

1.	Imvano y'inganzo y'amazina y'inka
2.	Amazina y'inka icyo ari cyo
3.	Imyitirire
4.	Imiterere y'amazina y'inka n'ubwiza bwayo
5.	Akamaro ko kwiga amazina y'inka
6.	Abisi n'ingoma babayeho

Mu rwego rwo guteza imbere umuco nyarwanda, niyemeje gukora iyi Site, kugirango abanyarwanda bifuza gukomera ku muco wacu babone ikibahuza.
Nizeye ko muzaryoherwa no kwiyibutsa umuco abakurambere bahoranye kandi baturaze.

Icyitonderwa:
Kugirango ubashe kwandika ibyo nawe wifuza kugeza ku bandi, ugomba kubanza kwiyandikisha.

Nimuryoherwe rero!!

Fungura albumfoto maze utwereke udufoto twawe!

Wibuke " KWINJIRA "

Gicurasi 2012